Arabic | Chinese | English | French | German | Greek | Italian | Japanese | Korean | Portuguese | Russian | Spanish
Musicologia sine finibus
Internationalis Societas Musicologica (IMS) condita est anno domini MCMXXVII, centum annibus post mortem Beethoveni. Illo in tempore idea musicae concepta ut lingua universalis maxime vigebat, praesertim per patrimonium Beehoveni. Erat illa idea coniungens nationes et culturas mundi. Musicologi Europae erant, qui post calamitates horribiles primi belli mundi laborabant ad efficiendum aliquod commune propositum, quod terminos propugnaculaque nationum removens talem societatem internationalem institueret, qualis posset collaborare ad studium musicologicum protegendum confirmandumque. Id, quod erat animo conceptum, erat societas globalis coniuncta per musica omnibus accessibilia, ut est dictum in statutis nostris:
Propositum societatis IMS est studium musicologicum cuiuslibet generis apud omnes populos nationesque confirmare; vel, ut verbis nostri temporis dicam, studium musicologicum cooperatione internationali fundatum propagare.
Diffundente se arte nostra per mundum, quod animo conceptum erat universale, iam plures etiam colores traxit et plures formas assumpsit. Notio “cooperationis internationalis” se mutavit. Id, quod dicitur verbis nostri temporis “globalisatio,” rem professioni musicologicae studiendam extensit, ut includeret omnes populos mundi, nullius momenti faciens terminos inter nationes et ostendens professioni musicologicae variationem musicorum. Quae cum ita sint, IMS societati laborandum est, ut se et ad res locales et mundales accommodet celebrando diversitatem musicorum, ita autem, ut IMS ipsa ubique eadem maneat. Hodie “cooperatio internationalis” celebratio est diversitatis musicorum. Haec notio “cooperationis internationalis” complectat diversas res omnis generis. Relationalis est potius quam conceptualis tantum, spectans ad homines potius quam ad structuras, ad collaborandum potius quam ad res componendas. Pertinet ad musicologos coniunctos excitatosque collegio creandi per communem scientiam, bonos modos agendi, sonos novos. Hoc animo IMS nostris etiam in temporibus idem propositum observunt: curant, ut musicologi inter se collaborent et alii alios, ubicumque nati sunt, comprehendant ita, ut fundamenta musicologica floreant.
Hac complexu diversitatis IMS unica societas apud musicologos est. Miro modo nullum discrimen ponit et non servit quodam unico generi disciplinae vel studii musici. Proponat diversitatem methodorum per artes et scientias. agnoscit musicologiam aliam aliis locis necesse esse. Inde ab anno domini MCMXXVII propositum nostrum non erat ubique docere amorem studii musici, sed colere eum, ita ut, quocumque et qualicumque loco erunt orti homines, in mundo conjuncto studiis musicis collaborent.
Societas nostra hoc animo collaborationis et omnem diversitatem complexandi imbuta invitat, quicumque de musicis aliquid cogitat et sentit, particeps fieri. Inveniat sine dubio in nostra societate et novos stimulos creandi et latiorem terram inspiciendi, id quod conventu hominum et amicitiis factis renovatisque fieri solet. Si et tu hoc de musicologia sentis, particeps societatis esse debes et particeps propositi societatis nostrae IMS.
Aspectus fluminis Rheni Basileae. IMS anno domini MCMXXVII Basileae condita est, quae civitas et est caput societatis.